Bonvolu ankaŭ viziti mian hejmpaĝon kaj ankaŭ mian ipernitejon.

2010/06/24

Vicoj

Mi ne kaplas kompreni kial tiom da homoj viciĝas senbezone. Hodiaŭ mi vojaĝis fluge. Kiam mi alvenis la flughavenon mi vidis ke eblas registriĝi en sep akceptejoj. En la plej proksimaj al la enirejo, homoj atendis en longaj vicoj, en la malproksimaj estis nur vicetoj. Kial la homoj ne komprenis ke estas pli rapide iri al la vicetoj? Poste, mi iris al la pordo por enaviadili. La pordo estis ankorau femita, do mi sidiĝis kaj ekverkis ĉi tiun tekston. Tiam, iu ekviciĝis kvaronhoro antaŭ la malfermhoro, kaj tuj aliaj homoj enviciĝis post li. Post kelkaj minutoj la vico estis tiom longa kiel stulta, ĉar ni jam scias sur kiu seĝo ni sidiĝos dum la vojaĝo, do ne bezonatas eniri la unuan. Tiu afero estus negrava se ĝi ne montrus al ni kiel malracie ni ofte agas. Anstataŭ observi la ĉirkaŭaĵon kaj decidi laŭ la akiritaj informoj, ni ofte preferas la plej facilan kaj malracian solvon.

3 comments:

Toño said...

Tiun kutimon vici ĉe la eniro al aviadilo, kiam homoj jam scias kie ili sidiĝos, mi jam plurfoje konstatis, kaj ĝi mirigas ankaŭ min. Ĉu estas ia kaŝita kialo? Eble enmeti la manvalizon en la valizujon antaŭ la ceteraj? Ĉu malpacienco? Ĉu enuo en la atendejo? Mi ne scias, sed ja estas tiel

vaskon said...

En Bulgario tio nomas “ŝafara psiko”. Tre stranga konduto de homaro. Eble ĝi estas neforigebla restaĵo de niaj bestaj radikoj? Ja fundamenta kaŭzo de ĝi estas la sento de certeco – jen aliaj staras, sekve mankas danĝero.
Ĉu Vi atentis kiel senpere tuŝiĝantaj estas homoj eĉ en vicetoj?

pqs said...

Jes, probable evolu-psikologio povas povas komprenigi nin la ŝafara psiko.

Post a Comment

Freŝaj komentoj